УХМР: Денеска се очекува снег во голем дел од државата

Од Управата за хидрометеоролошки работи (УХМР) за денеска најавуваат снег и снежна покривка во поголемиот дел од државата. Според најавите, во попладневните часови ни претстојат врнежи од снег, кои во вечерните часови ќе се прошират насекаде, со тоа што во западните делови од земјата ќе бидат позастапени и пообилни, а на јужните подрачја ќе има врнежи и од дожд.

Според УХМР, во поголемиот дел од земјата ќе се формира снежна покривка, во попладневните часови и во главниот град, а минималната температура ќе биде во интервал од 0 до 8 степени.

Од утре ќе преовладува претежно суво и многу студено време, кое ќе продолжи и во текот на викендите и во почетокот на наредната седмица кога и дневните температури во поголем дел од земјава ќе бидат под нулата.