Угостителите ќе работат до 21 часот од четврток

Владата денеска донесе одлука со која од четврток угостителските објекти ќе може да работат до 21 часот. По завршувањето на владината седница, премиерот Зоран Заев на социјалната мрежа Фејсбук напиша дека оваа одлука е донесена откако биле разгледани епидемиолошките насоки.

„Со оваа одлука заршува и вонредното ограничување на работното време во угостителските објекти на бензиските пумпи, како и за гостите сместени во хотелите, мотелите, хостелите и останатите сместувачки капацитети, при што истите ќе можат да работат со редовното работно време утврдено со законот за работа на овие угостителски капацитети“, објави Заев.

Министерот за здравство Венко Филипче на својот Фејсбук профил напиша дека следната недела, откако ќе ја анализираат епидемиолошката состојба во земјата, можно е дополнително олабавување на мерките, односно работното време на угостителските објекти да биде до 23 часот.