Русија ќе одговори во случај на нови санкции од ЕУ

Руските власти најавија дека ќе ѝ одговорат на Европската унија во случај на нови санкции што Унијата ги разгледува по апсењето на противникот на Кремљ Алексеј Навални и репресијата на демонстрантите кои протестираат во негова поддршка. „Би сакала да ги предупредам нашите европски партнери за секој нов непромислен потег“, изјави портпаролката на руското Министерство за надворешни работи, Марија Захарова, додавајќи дека Русија ќе одговори „пропорционално“.

Сопругата на Навални ја напушти Русија

Според неа, „апсолутно е неприфатливо да се користат човековите права и демократските принципи како геополитички инструменти“. Високиот претставник на ЕУ за надворешна политика и безбедност Жозеп Борел неодамна препорача воведување санкции по посетата на Русија. Министрите за надворешни работи на ЕУ ќе имаат состанок на 22 февруари на кој ќе разговараат за посетата на Борел на Русија од 4 до 6 февруари. За време на посетата на Борел, Москва ги прогласи дипломатите од Германија, Полска и Шведска за непожелни за нивното наводно учество во неовластени протести за поддршка на уапсениот Навални.