Каракачанов за извештајот на Стејт департментот -Тоа се информаци од соросоидни организации

Бугарскиот вицепремиер и министер за одбрана Красимир Каракачанов реагираше на извештајот на Стејт депарментот за Бугарија во кој се нотира кршење на правата на Македонците во Бугарија.

Во извештајот се наведува дека властите во Бугарија продолжуваат да ја одбиваат регистрацијата на активистичките групи на етничките Македонци како што се Организацијата „Илинден“, Здружението на прогонувани Македонци, жртвите на комунистичкиот терор и Македонскиот етнички клуб за толеранција во Бугарија и покрај пресудата донесена во мај како и повеќе од 10 претходни одлуки донесени од Европскиот суд за човекови права, во кои се вели дека одбивањата ги повредуваат правата на здружување на горенаведените групи.

Во извештајот се додава дека на 1 октомври Советот на Европскиот комитет за превенција од тортура издал привремена резолуција со „длабока загриженост“ до властите за „формалистичката примена на законските барања“, која се однесува на постојаното одбивање за регистрација на Организацијата „Илинден“ и слични такви организации од 2006 година.

„Во ноември 2019 година јавниот обвинител постапи по жалба на лидерот на ВМРО и воедно министер за одбрана Красимир Каракачанов за обидите на двете здруженија, Цивилното здружение за заштита на основните индивидуални човекови права и античките Македонци, за создавање македонско малцинство . Главниот обвинител поднесе барање до судот за распуштање на здруженијата, обвинувајќи ги за политичка агенда што го загрозува единството и безбедноста на нацијата, стои во извештајот на Стејт департментот.

Стејт департмент: одложена правда и мало подобрување на медиумските слободи

Каракачанов реагираше на ваквите забелешки велејќи дека не ги знаат проблемите, а пишуваат така како што напишале.

„Да ги прашам тие никаквеци во американскиот Стејт департмент, каде видоа тие македонско малцинство? Тие земаат предвид некакви извештаи од соросоидни организации и невладини организации кои ги хранат за да плукаат на Бугарија. Какви репресирани Македонци има во Бугарија?!“, вели Каракачанов.