Иран пушти нови центрифуги за обогатување на ураниум

Иран денеска објави дека пушти во работа нови модернизирани центрифуги кои овозможуваат брзо обогатување ураниум иако нивната употреба е забранета со одредбите од нуклеарниот договор кој го постигна Техеран со светските сили во 2015 година.

Иранскиот претседател Хасан Рохани официјално ја отвори линијата за производство од 164 центрифуги поставена во комплексот Натанз во централниот дел на земјата.

Ова се случува во момент кога се водат преговори во Виена меѓу Иран и останатите држави потписнички на договорот од 2015 година за тоа како повторно во него да се вклучат и Соединетите Американски Држави. Поранешниот американски претседател Доналд Трамп во 2018 година одлучи да ја повлече својата земја од договорот кој го потпишаа Германија, Кина, Франција, Велика Британија и Русија.

Први разговори меѓу САД и Иран - во ист град, но не и во иста соба

Трамп еднострано ги повлече САД од догоорот и повторно воведе економски и финанисиски сакнции за Иран, на што Техеран одговори со тоа од 2019 година почна да ги крши обврските преземени со него.