Во Србија досега 755 несакани реакции од вакцинацијата

Во Србија досега се пријавени 755 несакани реакции на вакцини против коронавирус, што значи дека има само една пријавена реакција на 3.973 имунизирани граѓани, изјави претставникот на Агенцијата за лекови и медицински помагала (АЛИМС), Павле Зелиќ, јави дописникот на МИА од Белград.

Вакцинирани над 18 000 граѓани, идната недела завршува вакцинацијата на „критичната инфраструктура“

Зелиќ на РТС изјави дека сите реакции се благи, дека се однесуваат на појава на оток, црвенило, високи температури, болки во мускулите и поминуваат за неколку дена.

Во Србија е достапна имунизацијата со вакцините „Синофарм“, „Фајзер/БиоНТек“, „АстраЗенека“ и „Спутник Ве“, а Зелиќ изјави дека Модерна се уште не поднела барање за регистрација, дека се водат преговори и дека очекува и таа да се најде во понуда.

Тој изјави дека во Србија има сосема доволно вакцини, затоа што досега се пристигнати над 3,5 милиони дози.