ДКСК: Потребен е закон за потекло на имот на сите граѓани

На земјава и е неопходно законско решение со кое ќе може да се побара докажување за сопственост на имот, и кој ќе бара од секој граѓанин да докаже од каде му е имотот, врз основа на што го стекнал, дали е наследство, дали го купил или некој му го подарил, изјави денеска претседателката на Државната комисија за спречување на корупција (ДКСК), Билјана Ивановска.

Таа истакна дека за ваквото законско решение поддршка имаат добиено од Советот на Европа од каде, како што соопштува, ќе биде обезбеден консултант со кој ќе се започне процесот за подготвка на овој закон.

ДКСК: Ако Рашковски нема реален анкетен лист ќе пријавиме во Финансиска полиција

ДКСК денеска информираше и дека по објави за возилото на поранешниот генерален секретар во Владата, Драги Рашковски, ќе биде пријавено во Финансиска полиција доколку тој прикажал нереален анкетен лист.