Во болниците во земјава се лекуваат 121 ковид пациенти

Министерството за здравство соопшти дека вкупната бројка на пациенти со коронавирус кои се лекуваат на инфективните одделенија во Скопје и во болниците низ земјава е 121 и има околу 500 празни болнички кревети.

Поради намалениот број на болни, болниците затворија дел од капацитетите наменети за ковид пациенти. Во изминатите 24 часа во ковид – центрите во Скопје има хоспитализирани тројца нови пациенти поради компликации од коронавирусот, а вкупно се лекуваат 48 лица.

Кризната состојба продолжена до крајот на годинава

„Сите одделенија на клиничките болници располагаат со болнички места до кои има довод на кислород. Министерството за здравство има увид во состојбата со капацитети и доколку има потреба одделенијата ќе бидат дополнително проширени“, се наведува во соопштението од министерството.