До 11 часот на изборите во Дебар 8,2 отсто излезност

Гласањето во вториот круг за избор на градоначалник на општина Дебар се одвива тековно, без проблеми, со зголемена излезност на гласачите споредено со првиот круг.

По поразот од ВМРО-ДПМНЕ на локалните избори, Заев поднесе оставка

„Изборниот ден минува без проблеми. Излезноста се зголемува, така што правото на глас до 11 часот го имаат остварено 1.578 граѓани или 8,2 проценти од вкупното гласачко тело. Во првиот круг, до 11 часот гласаа 1.293 лица“, изјави потпретседателка на Општинската изборна комисија – Дебар, Јованка Јосифовска.

До 11 часот, како што соопшти Државната изборна комисија, поднесени се два приговора за заштита на личното избирачко право и двата се прифатени.

Во оваа Општина во единствениот избирачки список се запишани се 19.211 лица со право на глас или 805 повеќе споредено со последните локални избори во 2017 година. Се гласа на 27 гласачки места.