Македонија и Црна Гора со најевтини горива во регионот

Бензинот еуросупер 95 во Црна Гора е најевтин меѓу земјите од регионот, покажуваат податоците на црногорското Министерството за капитални инвестиции. 


Според податоците од новиот Билтен на Министерството за цените на нафтените деривати, литар еуросупер 95 во Црна Гора чини 1,45 евра.



Во Албанија може да се купи за 1,78 евра, 1,64 евра во Хрватска, 1,62 евра во Србија, 1,6 евра во Босна и Херцеговина и 1,52 евра во Северна Македонија.



Животот поскапе за 100 евра месечно во однос на лани


Најскап еуросупер 95 во Европа плаќаат граѓаните на Данска, 2,22 евра, а најевтиниот е во Унгарија, 1,29 евра.



Кога станува збор за еуродизелот, литар во Црна Гора чини 1,55 евра, додека во Македонија е само малку поевтин 1,51 евра . Во Албанија може да се купи за 1,9 евра, во Хрватска 1,86 евра, во Србија 1,83 евра и во БиХ 1,69 евра.



Граѓаните на Шведска за најскапиот еуродизел во Европа плаќаат 2,37 евра, а на Малта за најевтиниот 1,21 евра.