ЕУ изрази жалење за најавата за откажување на Europride

Европската унија изрази жалење што српските власти најавија дека ќе го откажат или одложат паневропскиот ЛГБТИ настан Europride, наведувајќи дека внимателно ќе го следат ова прашање. „Жалиме што Србија објави дека ќе го откаже или одложи Europride, откако првично одлучи да биде домаќин во Белград овој септември, и би сакале дополнително разјаснување. Ние внимателно ќе ја следиме оваа работа. Се надеваме дека може да се најде начин за Europride да се одржи безбедно и во мир“, изјави портпаролката на Европската комисија, Ана Писонеро. „ Europride долги години се залага за еднакви права за ЛГБТИК луѓето низ Европа, давајќи им глас на оние кои често се дискриминирани поради нивната сексуална ориентација. Тоа се основни права за ЕУ и очекуваме нашите најблиски партнери да ги почитуваат“, се додава во реакцијата н ЕУ.

Опозицијата и групите за права ја нападнаа иницијативата на српската влада за откажување на EuroPride

Српскиот претседател Александар Вучиќ во саботата изјави дека Europride манифестацијата ќе „откажена или одложена“. Српската премиерка Ана Брнабиќ денеска изјави дека државата не сака никому да ги ускрати правата загарантирани со Уставот и дека најавата за откажување е „повеќе барање до организаторите“ да се откажат од собирот отколку наредба.