По Британија, движењето против плаќање високи сметки се шири и во Белгија

Кампањата против плаќање на екстремно високи сметки за гас и струја започна и во Белгија, по слична иницијатива во Британија. Белгиската кампања ја покренаа граѓани кои тврдат дека повеќе не можат да си дозволат да ги плаќаат сметките за гас и струја, пишува Брисел Тајмс. „Не можеме да платиме“, „Не сакаме да платиме“, „Не плаќаме“, наведуваат во памфлетот иницијаторите на кампањата. „За нас е едноставно: не можеме да ги платиме тие сметки и затоа нема да ги платиме“, додаваат тие.

Зошто Европа се соочува со зголемени сметки за струја?

Граѓаните кои ја започнаа кампањата укажуваат дека луѓето имаат право на гас и струја. Тие наведуваат дека „тоа не е луксуз, туку неопходност“ и оти затоа политичарите мора да дадат „одлучен и ефективен одговор“ за овој проблем. Белгиските активисти изјавија дека се инспирирани од движењето „Не плаќај“ во Британија, каде што повеќе од 130.000 луѓе најавија дека нема да ги плаќаат високите сметки од први октомври.