Разузнавачки извештај - Русија се обидела за влијае на бугарската политика

Русија се обидела да влијае на бугарската политика во однос на ЕУ и енергијата, се наведува во извештајот на Државната агенција за национална безбедност (ДАНС) на Бугарија. Годишниот извештај е објавен на веб-страницата на владата и на службата за безбедност.

„Од средината на 2021 година, Руската Федерација ќе започне голема хибридна кампања за дефинирање на европската безбедносна архитектура во согласност со нејзините стратешки интереси, вклучително и прекин на проширувањето на НАТО кон исток и зачувување на руското влијание во соседните земји“, стои во извештајот, јавува Бугарскиот сервис на РСЕ.

Според извештајот, Русија за хибридните напади ангажирала „дипломатија, воена моќ, специјални служби, економски потпора и зависности (главно во енергетската сфера), информативна пропаганда и кампањи за дезинформација и сајбер напади.

Единствената земја која се споменува во документот е Русија, но во документот се зборува за активностите на неколку странски разузнавачки служби на територијата на земјата.

Во документот се вели дека Бугарија е предмет на систематски разузнавачки интерес насочен кон обврските на Бугарија во ЕУ и НАТО, модернизацијата на нејзината армија, економијата и внатрешната политика, поради серијата парламентарни избори минатата година.

Дали со привремената влада Бугарија ќе се врати во руската орбита?

Имало обиди за влијание врз државните, воените, образовните и верските институции, медиумите, забележува бугарската специјална служба во својот извештај. Имало и обиди за мешање во изборите и директното носење политички одлуки, се наведува во отворениот дел на документот.

ДАНС обрнува внимание на обидите да се искористи пандемијата на ковид-19 со ширење лажни вести и директно да се дискредитираат бугарските и европските институции.