Започнува зимското сметање на времето

Времето денеска ќе биде сончево со слаб до умерен ветер од северен правец. Минималната температура ќе биде во интервал од -1 до 8, а максималната ќе достигне од 19 до 25 степени.

Во Скопје ќе биде сончево со слаб ветер од северен правец. Минималната температура ќе се спушти до 5, а максималната ќе достигне до 24 степени.

Од вечерва почнува зимското сметање на времето, односно стрелките на часовникот во 3 часот по полноќ ќе се поместат еден час поназад.

Нема промени – викендов почнува зимско сметање на времето

Владата одлучи да остане досегашниот систем на сметање на времето по направените анализи дали да продолжи летното сметање на времето. 

„Задржувањето на летното сметање на времето ќе предизвика зголемена потрошувачка на топлинска енергија од 1,5 до 3,5 проценти за грејната сезона“, информираа од Владата во вторникот.

Зимското сметање на времето почнува секој последен викенд во октомври и трае до последниот викенд во март следната година, кога повторно настапува летното сметање на времето.