ДУИ избра 16 секретари, Груби останува шеф на кабинетот на Ахмети
Портпаролот на Демократската унија за интеграција (ДУИ), Бујар Османи соопшти дека на седницата на централното претседателство избрани се 16 секретари на секретаријати.
Артан Груби е избран за шеф на кабинетот на лидерот на партијата Али Ахмети, Бујар Османи за портпарол на партијата, а за заменик портпарол на партијата Арбр Адеми.
Според Османи, едногласно се избрани сите советници во кабинетот на Ахмети и сите секретари.
„Се одеше по предложениот дневен ред односно се разговараше за актуелната политичка состојба во земјата со акцент на евроинтеграциите на создадениот политички моментум во евроинтеграциите определувајќи ја 2030 како година кога земјата треба да стане членка на Европската унија. Со тоа уставните измени и самите преговори остануваат главен приритет на партијата во наредниот период, а очекуваме и главен општествен приоритет“, изјави Османи.
Почна средбата на претседателството на ДУИ, огнената група ќе бара смена на Груби
Третата точка предвидена за презентација на извештајот за работа на министрите, заменици министри и државните секретари, според Османи, може да трае со часови.
Меѓу избраните секретари се Теута Арифи во секретаријатот за образование и наука и Невзат Бејта за локална самоуправа.
Пред средбата Изет Меџити од таканаречената „Огнена група“ на ДУИ најави дека ќе бараат смена на Груби.