Облачно со повремени врнежи од дожд

Денеска се очекува да имаме променливо облачно време со повремени врнежи од дожд. На места и особено во крајните западни и источни делови врнежите ќе бидат пообилни, а на југоистокот ќе има услови и за појава на грмежи.

Ќе дува слаб до умерен ветер од јужен правец. Минималната температура ќе биде во интервал од 7 до 12, а максималната ќе достигне од 12 до 16 степени.

Во Скопје променливо облачно со повремени врнежи од дожд. Ќе дува слаб до умерен ветер од југоисточен правец. Минималната температура ќе се спушти до 9, а максималната ќе достигне до 13 степени.

Како што соопшти УХМР, од ноќта кон понеделник од север ќе настапи заладување што ќе услови позначително спуштање на температурите. Врнежите в понеделник и краткотрајно и во вторник на планините ќе бидат од снег, а понекаде и особено  во северните делови ќе има услови за појава на снег понекаде во пониски места.

Во следните три дена минималната температура ќе биде во интервал од минус три до осум степени, а максималната од три до 13 степени.