Убиени четворица безбедносни службеници во југоисточен Иран

Иранската Исламска револуционерна гарда соопшти дека четворица припадници на безбедносни сили биле убиени во југоисточната провинција Систан и Белучистан, каде што интензивните антивладини протести го потресоа регионот во последните месеци. Револуционерната гарда за убиствата ги обвини „терористичките групи“, термин што често го користи за да ги опише групите што се против владата. Не се објавени детали за тоа што се случило, ниту пак се идентификува вистинската група која го извршила нападот. Иранските безбедносни сили во Систан-Балучистан постојано се цел на сунитски милитанти за кои се смета дека преминуваат во регионот од Пакистан и Авганистан. Безбедносните сили, исто така, често се судираат со шверцери на дрога во покраината.

Иранските судови ја користат смртната казна за да ги запрат протестите

Иран изврши втора егзекуција поврзана со протестите

Систен-Балуџистан е жариште на немири по смртта на 22-годишната Махса Амини на 16 септември додека беше во полициски притвор поради наводно прекршување на иранските правила кои бараат од жените да носат шамии на јавно место. Иранската влада започна брутално задушување поради немирите - еден од најдлабоките предизвици за исламскиот режим од револуцијата во 1979 година. Сунитските муслимани го сочинуваат мнозинството од населението во Систан-Балучистан, но се само околу 10 отсто од населението во Иран во кој доминираат шиитите. Од смртта на Амини, според групите за човекови права, речиси 500 луѓе се убиени во полициските акции. Уапсени се неколку илјади, вклучително и многу демонстранти, како и новинари, адвокати, активисти и други.