Тројца Европејци вратени дома откако Иран ги ослободи во размена на затвореници

Тројца Европејци се вратија дома на 3 јуни, еден ден откако беа ослободени од Иран во размена на затвореници. Техеран соопшти дека нема причина Европејците да бидат уапсени, доколку не биле ангажирани од странски безбедносни служби.

„Тројцата мажи, двајца со двојно австриско-иранско државјанство и еден Данец во петокот беа ослободени од Иран во замена за иранскиот дипломат Асадола Асади, како дел од размената во која Иран минатата недела го ослободи белгискиот хуманитарен работник Оливие Вандекастиле“, изјави портпаролот на белгиската влада.

Иран го ослободи хуманитарниот работник Вандекастиле по речиси 15 месеци поминати во притвор.

Иранскиот диплмат Асади пак, беше осуден во Белгија во 2021 година во врска со осуетен бомбашки заговор во Франција и осуден на 20 години затвор. Иран тврди дека обвиненијата против него се измислени.