Загубите на СССР во Втората светска војна проценети на 50 милиони луѓе

„Вкупните загуби на Советскиот Сојуз се речиси 50 милиони луѓе. Тоа се директни и индиректни човечки загуби на нашата земја во Втората светска војна – како загинати, така и подоцна починати од здобиените рани“, рече Звјагинцев, говорејќи во Москва на конференцијата посветена на 70-годишнината на Меѓународниот воен суд во Нирнберг, пренесува „Интерфакс“.

Во овие бројки се вклучени и таканаречените демографски загуби - неродените деца на загинатите.

Нирнбершкиот суд: пет главни прашања

„Наведените загуби се споредливи со населението од голем број европски земји - од Скандинавија до Балтикот. Тоа е цената што нашиот народ ја плати за победата над фашизмот“, истакна Звјагинцев.

Токму затоа, смета тој, „никогаш не треба да се заборават лекциите од Нирнбершкиот процес - во спротивно, ние ќе се соочуваме со поимот кој се нарекува „украдена победа“. Како пример, потпретседателот на IAP на потсети на податоците од неодамнешна анкета спроведена во европските земји, според која, само 12% од испитаниците го наведоа СССР како победник над фашизмот во Европа.

„Токму тоа е украдена победа“, изјави Звјагинцев, автор на бројни книги и филмови за процесот на векот над нацистите.