Gwamnan jihar Ebonyi baya son Fulani makiyaya su bar yankin Kudu maso gabas ba

– Wanda aka zargin rikicin Fulani makiyaya a yankin Kudu maso gabas ta kawo matsaloli sosai a jihar Enugu inda wasu yan bindiga sun kashe wasu yan asalin jihar

– Ubaidullah Yahaya Kaura, wani dan jarida ya ruwaito wanda wani Gwamnan Inyamira na jihar Ebonyi mai suna Dave Umahi ba ya son Fulani Makiyaya su bar yankinsu

Rahotanni na nuna cewa wanda, Gwamnan jihar Ebonyi mai suna David Umahi ya bayyana cewa babu wata hujja da al’ummar jihar Ebonyi za su kafa akan cewa sai Fulani makiyaya sun kauracewa yankin su idan aka yi la’akari da yadda huldar taimakeni in taimake ka dake tsakanin su.

KU KARANTA KUMA: Kabilar Inyamirai suke son kai hari saboda Fulani makiyaya

Gwamnan ya bayyana haka ne a garin Abakiliki babban birnin jihar. A lokacin da yake zantawa da manema labarai gwamnan ya bayyana gwamnatinsa a shirye take domin ganin ta samar da burtulla da kuma wajen kiyon shanu a jihar wanda zai bada dama ga Fulani su yi kiyon su cikin tsanaki ba tare da samun matsala da manoman jihar ba.

Haka kuma David Umahi ya yi Allah wadai da harin da ake zargin wasu Fulani makiyaya sun kai wa wasu al’ummar Igbo a jihar Enugu inda ya bayyana hakan a matsayin wani abun takaici.

Daga bisani gwamnan ya yi kira ga jami’an tsaro na jihar da su tabbatar da sun inganta ayukkan tsaro wanda zai bada dama ga alumma su samu zaman lafiya mai dorewa.

Idan ba’a manta ba, kwannan ana yawan samun hatsaniya tsakanin Fulani da manona ayukkunan kasar nan wanda hakan ya zama wani abu da ya mamaye kafafen yada labarai na kasa rnan musamman na yanar gizo.

The post Gwamnan jihar Ebonyi baya son Fulani makiyaya su bar yankin Kudu maso gabas ba appeared first on Nigeria News today & Breaking news | Read on NAIJ.COM.