Buhari ya dauki alwashin daidaita yankin Neja Delta

Shugaban kasa Muhammadu Buhari ya ci alwashin kawo daidaito a yankin Neja Delta da ta dade tana fama da tashin tashina.

Kamar yadda gidan talabijin na Channels ta ruwaito, Shugaba Buhari ya ci alwashin ne a lokacin da yake zantawa da manema labarai bayan wani zama da yayi da sabon shugaban kasar Benin Republic Patrice Telon a Abuja a ranar talata 2 ga watan agusta. Buhari ya kara da cewa zai gina ababen more rayuwa da dama a yankin inda har makwabta kamar su Benin zasu amfana da su.

Rahotanni sun nuna cewa shuwagabannin biyu sun tattauna batutuwan da suka shafi tsaro, kasuwanci da kuma wutar lantarki a fadar shugaban kasa dake Abuja. Shugaba Buhari ya gode wa shugaban kasar Benin, sa’annan ya mika godiyarsa ga ilahirin al’ummar kasar Benin saboda kokarinsu wajen yaki da kungiyar yan ta’adda ta Bokoharam, kuma ya bukaci makwabtan kasashen mu da su kasance suna sane da sabbin tsare tsaren kasuwanci.

A lokacin da yake bayani, Talon yace a matsayin Najeriya na babban yaya, kananan kasashe na yankin afirka ta kudu suna bukatan goyon bayan Najeriya don samun daidaito, musamman ma akan maganar wuta.

A cewar shugaban kasar Benin, kasar Benin na bukatan hada kai da Najeriya wajen yaki da siyar da miyakun kwayoyi da makamai a tsakanin kasashen biyu, kuma ya shawarci Najeriya da ta y amfani da karyewar farashin mai wajen canja akalar tattalin arzikin kasar nan zuwa noma.

The post Buhari ya dauki alwashin daidaita yankin Neja Delta appeared first on Nigeria News today & Breaking news | Nigerian newspapers 24/7.