Yawa! Man U fans say Mourinho na serious mumu if he sell their star

Ogbonge wahala dey for inside Old Trafford as some people wen dey follow follow Manchester United don dey yab their new coach Jose Mourinho.

Many of them don tanda gidigba say make the former Chelsea coachie nor go even try sell Bastian Schweinsteiger.

Remember say na last week the player wen dey play for Germany talk say he nor go play international football again, but Mourinho don commot talk say him nor need the player for him team again.

The Real Madrid coachila before say the only thing wen concern am na when Pogba land, plus including one other player like that wey he nor gree talk.

This thing vex Manchester United supporters so tey them go Mourinho Instagram page blast the man, say na so he do for Chelsea that time.

Many of the people wey dey para don start to dey use the hashtag #Saveschweinsteiger to complain.

One guy wen dey use ‘Kyawyeyint95 tell Mourinho say the club still need the senior man for the side. The guy talk say: “The Germany player nor even wan commot for the club, so why Mourinho wan sell am? We still need am because him go use the ogbonge experience wey he get make the team dey win.”

Another person ‘Sahilsajan’ sef add him own. Him talk say: “Mourinho be the oga of all the mumu wen dey for this world if him sell the player.”

Nor forget sat Manchester United go play their Community Shield game against Leicester City next Sunday, as the new season wan start to shele….

The post Yawa! Man U fans say Mourinho na serious mumu if he sell their star appeared first on Nigeria News today & Breaking news | Nigerian newspapers 24/7.