ChatGPT-sjefen erkjenner faren ved bruk av kunstig intelligens

Sjefen for OpenAI, selskapet bak skriveroboten ChatGPT, møtte tysdag til høyring i Kongressen der han erkjente at kunstig intelligens bør brukast med varsemd.

– Når denne teknologien utviklar seg, forstår vi at folk er engstelege for korleis han kan endre måten vi lever på. Det er vi òg, sa Sam Altman under høyringa i Senatet.

Det er mellombels ingenting som tyder på at Kongressen i USA vil vedta lover for å regulere bruken av KI (kunstig intelligens), slik EU og ei rekkje andre land er i ferd med å gjere.

Amerikanske styresmakter har likevel lova å slå ned på skadelege KI-produkt som blir brukt til å krenke borgarrettane og som bryt lover som skal trygge forbrukarane. (NTB)