Større hydraulikkolje-lekkasje i Bergen

Brannvesenet har fått melding om ein større lekkasje av hydraulikkolje inst i Puddefjorden. Det skal vera rundt 200 liter som har rent ut i vatnet ved gamle Nygårdsbroen, like ved starten av Store Lugnegårdsvann. Brannvesenet er på staden med to stasjonar.

Dei har sett i gang arbeid med lenser for å få samla oljen. Lekkasjen kjem frå ein båt som blir brukt til mudring av botnen av Store Lungegårdsvann. Også mannskapet der har gjort tiltak for å freista å avgrensa lekkasjen.

– Me veit ikkje kva type hydraulikkolje det er, så det er litt usikkert om det vil søkka eller leggja seg på overflata. Me ser med drone kor oljen har bevega seg, seier vaktkommandør i 110 Vest, Shahrooz Lahooti.

Brannvesenet ser også på kvar dei trur oljen vil halda fram å bevega seg.

– Me prøver å avgrensa det ved å demma opp eit stort område. Det kan ta lang tid å få samla opp dette, seier Lahooti. Han viser til at mørket også gjer arbeidet vanskeleg.

Operasjonsleiar i politiet, Steinar Hausvik, opplyser at dei har oppretta sak