Politiet leiter etter to personar etter trusselsituasjon ved Sirkus shopping i Trondheim

Væpna politi har rykka ut til kjøpesenteret Sirkus shopping i Trondheim på grunn av ein trusselsituasjon mellom to partar.

– Ein person har trua ein annan med ein skarp gjenstand.

Det seier operasjonsleiar Bjørnar Gåsvik ved Trøndelag politidistrikt.

– Begge dei to har forlate området ved Sirkus Shopping så politiet held på med aktivt søk etter dei to, legg Gåsvik til.

Dei to involverte reiste frå kjøpesenteret i forskjellig retning. I forbindelse med søket har politiet stoppa bussar for å prøve å finne både fornærma og gjerningsmannen.

Politiet ser også gjennom overvakingsbilete frå kjøpesenteret for å finne ut kven dei to personane er og trappar ned søket etter dei.

Ingen andre personar skal vere skadd opplyser Gåsvik.