Politiet har avhøyrd to personar om trusselsituasjon i Trondheim

Væpna politi rykka ut til kjøpesenteret Sirkus shopping i Trondheim på grunn av ein trusselsituasjon mellom to personar i 30-åra.

– Ein person har trua ein annan med ein skarp gjenstand.

Det seier operasjonsleiar Bjørnar Gåsvik ved Trøndelag politidistrikt.

– Begge dei to har forlate området ved Sirkus Shopping så politiet held på med aktivt søk etter dei to, legg Gåsvik til.

Dei to involverte er kjenningar av politiet og reiste frå kjøpesenteret i forskjellig retning. I forbindelse med søket etter dei stoppa politiet bussar for å prøve å finne både fornærma og gjerningsmannen.

Politiet såg også gjennom overvakingsbilete frå kjøpesenteret for å finne ut kven dei to personane er og trappar ned søket etter dei.

Ingen andre personar skal vere skadd opplyser Gåsvik.

Like før kl. 22 skriv politiet på X at dei har kome fram til kven som er fornærma og mistenkt i saka. Begge er avhøyrd.