UNRWA har mista 4,6 milliardar kroner i støtte
Det opplyser Juliette Touma, kommunikasjonsdirektør i UNRWA, til NRK.
– Det er nesten halvparten av vårt operasjonelle budsjett, seier Touma.
Til no har 16 land valt å trekke støtta til FN-organisasjonen for palestinske flyktningar (UNRWA), etter skuldingar om at tilsette i organisasjonen tok del i terroråtaket 8. oktober.
Det skal vere snakk om 440 millionar amerikanske dollar, som tilsvarar 4,6 milliardar norske kroner.
Tidlegare i dag åtvara Verdas helseorganisasjon (WHO) om at å stanse UNRWA-støtte vil få katastrofale konsekvensar.
Noreg har vore tydeleg på at Noreg ikkje vil stanse støtta.
Landa som har sett finansiering på pause er Australia, Austerrike, Canada, Estland, Finland, Tyskland, Italia, Island, Japan, Latvia, Litauen, Nederland, Romania, Sverige, Storbritannia og USA, opplyser UNRWA.