Minst 13 drepne i angrep mot tre hus i Rafah
0
Minst 13 personar skal vere drepne i eit angrep mot tre hus i Rafah, heilt sør på Gazastripa, ifølgje helsepersonell i Gaza. Det skriv nyheitsbyrået Reuters.
Ifølgje det statlege palestinske nyheitsbyrået Wafa er det 15 drepne i åtaka, skriv Al Jazeera.
Det er førebels ikkje kjend om åtaket er ein del av ein lenge varsla bakkeinvasjon av Rafah.
Over 1 million internt fordrivne palestinarar oppheld seg i byen, ifølgje FN. Fleire verdsleiarar, mellom anna USAs president Joe Biden, har åtvara Israel fleire gonger mot å gå inn i byen, i frykt for enorme sivile tap.
Ifølgje fleire medium er òg minst sju personar drepne i åtak mot Gaza by.