Store demonstrasjonar i Georgia mot nytt lovforslag

Fleire tusen tok til gatene i Georgias hovudstad Tbilisi sundag kveld, i protest mot eit nytt lovforslag. Det melder nyheitsbyrået AP.

Demonstrantane hadde mellom anna med seg EU-flagg og banner med EU-positive bodskapar.

Forslaget går ut på at organisasjonar som får over 20 prosent av finansieringa si frå utlandet, må registrera seg som «agentar under utanlandsk påverknad».

Det har óg vore fleire store demonstrasjonar mot lovforslaget den siste tida.

Fleire har kritisert forslaget, mellom anna EUs utanrikssjef Josep Borrell. Han har sagt at forslaget kan trua landets sjansar til å bli med i unionen.