Haukeland klare til å ta imot to pasientar etter Sveits-brann

Noreg er òg klar for å sende ekspertise ned til Sveits i form av eit såkalla Burn Assessment Team eller BAT-team, skriv helseministeren i ein e-post til NTB.

Kommunikasjonsdirektør ved Haukeland universitetssjukehus Erik Vigander bekreftar tilbodet ovanfor NRK, men seier at det førebels ikkje er bekrefta at dei vil hjelpe til.

– Me har berre meldt inn at me som nasjonal brannskadeavdeling står klare til å ta imot to pasientar dersom det er aktuelt, seier han

Tilbodet om å sende ned eit såkalla BAT-team er òg enn så lenge berre eit tilbod, og det er ikkje bekrefta at dei vil gjere det, opplyser han.

– Når katastrofane rammer, stiller Noreg opp i solidaritet med våre europeiske naboar. Brannskadeavdelingen på Haukeland er del av den europeiske brannskadeberedskapen, og eg er glad for at vi har kapasitet til å hjelpe Sveits med medisinsk kompetanse og støtte i ein krevjande situasjon for deira helsetenester, etter den tragiske dødsbrannen, seier helse- og omsorgsminister Jan Christian Vestre (AP) til Bergensavisen. Meir enn førti menneske er døde og over 100 skadd etter brannen på nattklubben Le Constellation i alpelandsbyen Crans-Montana i Sveits.