Må betale millionutgifter etter at pleietrengande mann flytta

Helse- og omsorgsdepartementet slår fast at Ålesund kommune må ta utgiftene for opphaldet til ein sterkt pleietrengande mann som har kome flyttande.

Ingen har så langt ville ta rekninga på rundt ein million i månaden for å gje han eit tilbod.

Pengestriden har pågått i fleire år, og departementet slår no fast at Ålesund skal betale, i staden for den tidlegare heimkommunen.

Kommunalsjef Synnøve Vasstrand Synnes har tidlegare sagt at saka fort kan hamne i retten dersom avgjerda blir ståande.