Ber om fengsel i fem månader

Politiadvokat Ida Sletsjøe i Økokrim ber om fengsel i fem månader for romsdalsmannen i 80-åra som er tiltalt for handel med egg frå ville fuglar.

Sletsjøe sa i si prosedyre torsdag at mannen har vore ein sentral del av eit miljø som handla med ulovlege egg.

Ho meiner at almennpreventive omsyn veg særleg tungt, og at det er viktig å sende eit avskrekkande signal til andre som vurderer det samme.

Sletsjøe meiner det er særleg skjerpande at mannen har vore med på å oppretthalde eit illegalt marked og tent over 300.000 kroner på salet.