چارواکي: په پکتیا کې نهه وسله وال طالبان ووژل شول
د ۲۰۳ تندر قول اردو له رسنیز دفتره ازادي راډیو ته په رالېږل شوې خبرپاڼه کې ویل شوي چې امنیتي او دفاعي ځواکونو د پکتیا ولایت د زرمت ولسوالۍ د مقرب خېلو او باتورخېلو په سیمو کې له وسله والو طالبانو سره د نښتې پر مهال ۹ وسله وال طالبان وژلي دي.
په اعلامیه کې راغلي چې په دې عملیاتو کې ۲ عرادې موټرسایکلونه او ۲ پایې د ایکم مخابرې د امنیتي او دفاعي ځواکونو لاس ته ورغلي.
د وسله والو طالبانو ویاند ذبیح الله مجاهد بیا په ټویټر لیکلي چې وژل شوي کسان ټول ملکيان دي.