"سږکال به هرات کې د زعفرانو حاصلات ۲۰ ټنو ته ورسېږي"
د کرنې او مالدارۍ وزارت ویاند اکبر رستمي نن ازادي راډیو ته وویل، چې سږکال به په دغه ولایت کې پر ۸۰ زره هکټاره ځمکه د کرل شویو زعفرانو حاصلات ۲۰ ټنو ته ورسېږي.
تېرکال په هرات کې ۷۵۰ زره هکتاره ځمکه کې زعفران کرل شوي وو.
هغه وویل، چې په هرات کې شل زره کورنۍ د زعفرانو پر کښت بوختې دي او ښه ګټه هم ترلاسه کوي.
د افغانستان سره زر (زعفران) په کور دننه او دباندې له خورا شهرت څخه برخمن دي.
د کرنې او مالدارۍ وزارت وایي، چې هېواد ته د قاچاقي زعفرانو د راتلو مخنیوی او کورنیو زعفرانو ته د مارکیټ موندنې د زمینې برابرولو هځه کوي.
د هرات د کرنې او مالدارۍ خونې مرستیال میرویس حاجې زاده ازادي راډیو ته وویل، مني چې تولید زیات شوی خو ټینګار يې وکړ چې حکومت باید د بازار موندنې په برخه کې هم همکاري وکړي، ځکه په خبره يې اوس مارکیټ کمزوری دی.