افغان کرکټ ملي لوبډلې په اماراتو کې تمرینونه پيل کړي
د افغانستان او ایرلند لوبې د همدې جنورۍ په ۲۱، ۲۴ او ۲۶ مه د متحده عربي اماراتو په ابوظبي کې ترسره کېږي.
کرکټ بورډ په یوه بیان کې ویلي، چې افغان لوبغاړي به د لوبې دری واړو برخو توپ اچوونې، توپ وهنې او ډګرساتنې په برخو کې لنډې او ښې روزنې وویني څو له ایرلند سره لوبو ته چمتو وي.
د افغانستان د کرکټ درې وتلي لوبغاړي محمد نبي، راشد خان او مجیب الرحمن هم چې د اسټرالیا په بېګ بش کې لوبېږي دې لوبو ته ورځي.
محمد نبي وړمه ورځ په خپل فیسبوک لیکلي و چې د ملي ټیم د لوبو لپاره ابوظبۍ ته ولاړ.