ایران د خپل اټمي لانجې د حل په مقصد د خبرو د دوام اعلان وکړ
له دې یوه ورځ مخکې د ایران ولسمشر ابراهیم رئیسي او فرانسوي سیالیې امانوئل مکرون په خپلو ټیلیفوني خبرو کې د ایران د اټمي لانجې د حل لپاره د خبرو په اړه چې په اپرېل میاشت کې په ویانا کې پیل شوې دي، بحث وکړ.
د ایران د بهرنیو چارو وزارت ویاند سعید خطیبزاده نن خبریالانو ته وویل چې قطعاً به دې خبرو ته ډېر ژر دوام ورکړي، خو دا جزئیاتیې روښانه نهکړل چې د ولسمشر رئیسي لهخوا ټاکل شوی ټیم به څه وخت دا خبرې پیل کړي.
رئیسي د شنبې په ورځ دولتي ټلوېزیون ته وویل چې د ده حکومت د اټمي لانجې د یوې ډيپلوماتیکې حللارې په توګه د نتیجې په اساس خبرې غواړي.
په ۲۰۱۸ کال کې د ایران له اټمي موافقې د امریکا تر وتلو وروسته دې تړون ته د تهران د بېرته رابللو په هدف د روان کال له اپرېل میاشتې راهیسې تر اوسه د دواړو خواوو ترمنځ شپږ دور خبرې شوې دي.