شمالي مقدونیه کې د یونان سرحد ته نږدې یوې لارۍ کې ۴۲ پناه غوښتونکي موندل شوي
پولیسو پرون یکشنبه وویل، د ګزمې یوه موټر دغه لارۍ سټار دوویران ښارګوټي ته نږدې تعقیبوله چې د شمالي مقدونیې د پلازمېنې سکوپیې د جنوب په ۱۶۰ کیلومترۍ کې پروت دی.
پولیس وايي، د لارۍ د تلاشۍ پر مهال ۴۲ پناه غوښتونکي چې یو یې د بنګلهدېش او نور د سوریې وګړي دي، نیول شوي دي.
د پولیسو په خبره په تېرو شپږو میاشتو کې دا په شمالي مقدونیه کې د پناه غوښتونکو لومړۍ ډله ده چې نیول کېږي.