پاکستان د تحریک لبیک پر افراطي ګوند ممنوعیت لیرې کړ
دې ګوند د پاکستان د پلازمېنې اسلاماباد پر لور پراخ لاریون ترسره کړ چې په نتیجه کې د پولیسو او معترضانو ترمنځ نښتې او مرګژوبلې پېښې شوې.
د پاکستان د کورنیو چارو وزارت پرون ناوخته پر تحریک لبیک د ممنوعیت د لیرې کېدو اعلان وکړ او ویېویل چې دا ګوند له دې وروسته د پاکستان په اصلي سیاسي جریان کې د فعالیت اجازه لري.
دا اقدام د تحریک لبیک له مشرانو سره د صدراعظم عمران خان د حکومت له څو ورځنیو پټو خبرو وروسته اعلان شو.
تحریک لبیک چې په پاکستان کې د فرانسې د سفیر شړل او د دې ګوند د مشر سعد رضوي خوشې کېدلیې غوښتنې وې، له لاهور حخه د اسلاماباد پر لور لوی لاریون پیل کړی و.
پاکستاني چارواکي وايي د بېګانۍ معاملې په اساس تحریک لبیک د دې لاریون له دوام څخه لاس اخیستی دی.
ډان ورځپاڼې راپور ورکړی چې رضوي به نن ناوخته خوشې شي.
رضوي په تېره اپرېل میاشت کې په فرانسه کې د اسلام د پیغمبر د کاریکاتور له نشر وروسته د اعتراضونو پر مهال نیول شوی و.