وېسټ: واشنګټن طالبانو سره د استخباراتي خبرو بل پړاو ته تیاری نیسي
ټام وېسټ پرون دوشنبه (د لړم ۱۸مه نېټه) د ټیلیفون له لارې په واشنګټن کې خبریالانو ته وویل، واشنګټن غواړي چې طالبان د داعش پرضد بریالي شي.
د افغانستان لپاره د امریکا د متحدو ایالاتونو نوي استازي همدا راز وویل، واشنګټن له طالبانو سره د خپلو استخباراتي ادارو د خبرو بل پړاو ته تیاری نیسي.
ده له طالبانو سره د امریکا د استخباراتي ادارو د بل پړاو خبرو د نېټې په اړه څه ونه ویل خو ویې ویل چې دا خبرې به په د قطر په پلازمېنه دوحه کې ترسره شي.