قرغزستان کې د ټاکنو لومړنۍ پایلې؛ حکومت پلوه ګوندونه مخکې شوي
نتایج ښيي چې د حکومت پلوه ګوندونه مخکې دي.
د ۶۰ سلنه رایو له شمېرل کېدو سره د قرغزستان د اتا یورت یا پلار وطن ګوند ۲۷،۷۵ فیصده رایې ګټلې دي.
د ایشینم یا اعتماد ګوند د ۲۱،۳۷ سلنه رایو په اخیستو سره په دوهم ځای کې دی.
د یانتیموک یا ائتلافي ګوند ۱۹،۸۴ سلنه رایې ګټلې دي.
که څه هم کمېسیون د رایو شمېر نهدی اعلان کړی، خو د رأی ګیرۍ له پای ته رسېدو دمخه د رایو ورکولو په شرایطو له برابرو کسانو ۳۰ فیصده خلکو رایې ورکړې وې.
کارپوهانو تر ټاکنو مخکې د رأی ورکوونکو د بېغورۍ په اړه اندېښنه ښودلې وه، ځکه دا له یوه کال څخه په کمه موده کې څلورم وار ټاکنې دي.