د سعودي عربستان یوه بنسټ سري میاشتې ته ۱۹۷ ټنه خوراکي توکي لېږلي
د دې ادارې ویاند نوراغا صاحب زاده نن چهارشنبه (د مرغومې په ۱ نېټه) ازادي راډیو ته وویل چې په دې مرسته کې وریجې، لوبیا، غوړي او همدا ډول نور توکي لکه کمپلې، خیمې او د اړتیا وړ مواد شامل دي.
ښاغلی صاحبزاده وايي، د طالبانو له بیا واکمنېدو وروسته دا د ملک سلمان بنسټ له خوا لومړنۍ مرسته ده چې د افغاني سرې میاشتې له ټولنې سره کېږي.
نوراغا صاحب زاده زیاتوي، د کابل په ګډون به دا مرستې د هېواد په ټولو ولایتونو کې په بې وزله کسانو ووېشي.