د سکي په اسیايي لوبو کې ۴ افغان لوبغاړي ګډون کوي
د افغانستان د بدني روزنې او ورزش اداره وايي، څلور افغان لوبغاړي به د سکي په اسیايي لوبو کې چې په پاکستان کې کېږي، ګډون وکړي.
یاده اداره د یوې خبرپاڼې په خپرولو سره ویلي، د سکي سیالیو لپاره یې لوبغاړو پوره تیاری نیولی دی.
د سکي کوالیفای سیالۍ د روان ۲۰۲۲ میلادي کال د جنوري په ۱۴مه نېټه په پاکستان کې پیلېږي چې د افغانستان په ګډون د ۸ اسیايي هېوادونو لوبغاړي په کې ګډون کوي.