World News in Tajik

Як ҳавопаймои борбари низомии Туркия дар наздикии сарҳади Озарбойҷон ва Гурҷистон афтодааст. Вазорати мудофиаи Туркия дар паёме дар шабакаҳои иҷтимоӣ гуфт, ки ҳодиса рӯзи 11-уми ноябр рух дод. Ба иттилои манбаъ, ҳавопаймои C-130 аз Озарбойҷон ба Туркия бармегашт ва дар дохилаш 20 нафар буд. Вазорати корҳои дохилии Гурҷистон ҳодисаро тасдиқ кард ва гуфт, он "тақрибан 5 километр дуртар” аз марзи Гурҷистон бо Озарбойҷон рух додааст. Талафот ва сабаби садама маълум нест. Вазорати дифои Туркия гуфт, амалиёти ҷустуҷӯ ва наҷот идома дорад.

Дастаи мунтахаби футболи наврасони то 17-солаи Тоҷикистон зери раҳбарии сармураббӣ Марко Раҷини, мутахассиси итолиёӣ, дар бозии сеюмаш дар марҳилаи гурӯҳии Ҷоми ҷаҳон-2025 бо тими Буркина-Фасо бозӣ мекунад.

Дафтари Созмони Амният ва Ҳамкории Аврупо дар Душанбе ба милисаҳои тоҷик, бавижа нозирони роҳ дурбинҳое додааст, ки дар бадан ё либос насб карда мешаванд. Масъулони созмон рӯзи 10-уми ноябр дар иттилоияе гуфтанд, ки ин иқдом дар доираи як тарзи санҷишӣ ва бо ҳадафи шаффофият дар кори маъмурони ҳифзи ҳуқуқ роҳандозӣ шуд. Дар ҳоли ҳозир ба нозирони роҳ дар Тоҷикистон 24 дурбини наворбардорӣ тақдим шудааст. Бо ин дурбин ё камераҳое, ки дар бадан насб карда мешавад, фаъолияти кормандони Бозрасии Давлатии... Читать дальше...

Дидбони Ҳуқуқи Башар (Human Rights Watch) аз марги Саидаъзам Раҳмонови 29-сола дар боздоштгоҳе дар Тоҷикистон изҳори нигаронӣ кардааст. Баёнияи ин созмони муътабар рӯзи 11-уми ноябр нашр шуд.

Ба гузориши Оҷонси омори Тоҷикистон, аз теъдоди умумии ширкату соҳибкорони инфиродӣ (810 ҳазор), ки расман дар “Равзанаи ягона”-и Кумитаи андоз ё молиёт сабт шудаанд, зиёда аз 400 ҳазори он аз кор мондааст.

Дар Тоҷикистон ҳазорон соҳибкор аз фаъолият даст кашидаанд. Баъзе муфлису варшикаста шудаанд ё баъзе аз монеаҳои зиёди расмӣ безор шудаву гуфтаанд, ки дигар на тиҷорат мекунанду на соҳибкорӣ.

Хабарҳои рӯз

Бозиҳои даври 22-юми мусобиқоти қаҳрамонии футболи Тоҷикистон миёни дастаҳои лигаи олӣ рӯзҳои 9-10-уми ноябр баргузор шуданд.

Пулиси ноҳияи Линколн дар Каролинаи Шимолии Амрико ду шаҳрванди Тоҷикистонро ба ғорати банкоматҳо аз роҳи ҳамлаи сайберӣ (киберӣ) айбдор кардааст. Расонаҳои Амрико аз қавли пулис хабар доданд, ки як шаҳрванди Тоҷикистон боздошт шуда, дигаре бо як шарики эронияш дар ҷустуҷӯ қарор дорад. Ба иттилои пулис, Нурмуҳаммад Раҳмонзодаи 26-сола ва Фирдавс Раҷабови 35-сола ҳамроҳи Милод Аваздавонии 36-сола, зодаи Эрон, дар моҳи феврали имсол ва пас аз ҳамлаи киберӣ аз банкоматҳои фурӯшгоҳе зиёда аз даҳ ҳазор доллар рабудаанд. Читать дальше...

Дар ноҳияи Мӯъминобод даъвои як падар бо омӯзгори мактаб ҳанӯз идома дорад. Давлатмурод Алимшоев муаллимаи мактаб Шарифамоҳ Шаҳромиро ба он муттаҳам мекунад, ки писари хурдсолаш Муборизро зада, сабаби осеб дидани сараш шудааст. Мақомоти ноҳияву мактаб мегӯянд, даъвои падар асос надорад.