Ду ҷавон дар дарёи Вахш ғарқ шудаанд
Ду ҷавон рӯзи 1-уми август дар дарёи Вахш дар вилояти Хатлон ғарқ шудаанд.
Намояндагони идораи ҳолатҳои фавқулода гуфтанд, ки ҷустуҷӯи ҷасадҳо идома дорад.
Тибқи иттилои дарёфтии Радиои Озодӣ, ғарқшудагон Саидикром Саидмуродзода ва Шуҳрат Олимзода, сокинони ноҳияи Кушониён ҳастанд.Ҳамсуҳбати мо дар идораи ҳолатҳои фавқулодаи вилояти Хатлон гуфт, аз аввали имсол 52 кас дар ин минтақа ғарқ шудаанд.