"Müthiş qaqma" ve qorqutuv: İbadlayevlerniñ ailesi yañı tintüv aqqında aytıp berdi
Rusiye quvetçileri dekabrni 28-nde saba saatlarında İçki qasabasında evileriden tintüv keçirilgen Rustem ve Valentina İbadlayevanıñ qorantasını "müthiş qaqma" ile qorquttı.
"Müthiş qaqma - o qadar küçlü, men atta añlatıp olamam. Ömrümde böyle qaqama eşitmegen edim. Zayıf qapımıznı daa nasıl parlap kirmediler? Men pek qorqtım. (...) Bizim qabaatımız yoq. Olar evel mında yaşağan adam içün keldiler. Bu daa 10 yıl evel edi. Biz bu evni kiralaymız, onı da bizge başqa dam kiralıq berdi", - dedi Vlentina İbadlayeva "Qıırm birdemligine".
Ne içün quvetçiler "böyle etip, adamlarnı qorqtım basıp kirgenlerini añlamağanını ayttı.
"Qapını qaqıp "Açıñız, militsiya" aytmaylar. Qapını parlap, basıp kireler", - dedi o.
Rustem İbadlayev, quvetçiler oña evelki saipke qarşı açılğan cinayet dava bar olğanını bildirgenini ayttı. Angi bir madde boyunca belli degil. Küç organlarnıñ hadimleri, dava figurantınıñ şeylerini tapmaq içün kelgenlerini aytqanlar.
"Böyle tedbirler halqımızğa qarşı basqıdır, dep sayam. Bu şok ve biz daa uzun vaqıt özümizge keledejkmiz", - dedi Rustem.
Dekabrniñ 28-nde ilhaq etilgen Qırımda "E" merkeziniñ hadimleri 34 yaşındaki qırımtatar Rustem İbadlayevniñ evinde tintüv keçirdiler. Tintüv neticesinde quvetçiler kimseni tutmadılar. Malüm olğanı kibi, quvetçilerniñ areketleri evniñ şimdiki sakinlerniñ iç bir malümatı olmağan binanıñ evelki saibine ait edi.