Новости за 26.12.2025

Россиядә алты көнлек эш атнасына күчү беркайчан да булмаячак, чөнки бу хезмәт законнарына каршы килә. Россия Фәннәр академиясе академигы һәм Россия мәгариф академиясе президенты урынбасары Геннадий Онищенконың алты көнлек эш атнасына күчү турындагы тәкъдимен шәрехләп, Дәүләт Думасының Хезмәт, социаль сәясәт һәм ветераннар эшләре комитеты әгъзасы Светлана Бессараб әнә шундый фикере белән уртаклашты.

Казан федераль университеты каршында оештырылган Татарстан этнология мәктәбе Россиянең мәдәни төрлелеген тирән аңлаучы профессионаллар әзерли. Бу фикерне тарихчы, этнолог һәм социаль антрополог Валерий Тишков «Татар-информ»ның баш мөхәррире Ринат Билаловка биргән интервьюсында белдерде.

«Без үзебез Яңа елны каршыламыйбыз, беркайчан да каршыламадык, ул гадәткә кергән инде. Ләкин каршылаган кешегә сүз әйтмибез. Яңа елны гына түгел, теләсә кайсы бәйрәмне өстәлгә хәмер куеп үткәрү дөрес түгел. Ә Коръән укып, вәгазь сөйләп, хәләл табын әзерлисең икән, куркырга кирәк түгел. Төп бәла – харам ризыкта, харам эчемлектә. Матур, хәләл өстәл ясап, туганнарың белән җыелып утыруда нинди куркыныч бар?

ТР Дәүләт Советы депутатлары һәм хезмәткәрләре махсус хәрби операциядә катнашучыларга һәм Татарстан карамагындагы Лисичанск һәм Рубежное шәһәрләре халкына ярдәм итү өчен быел 1,6 млн сум акча җыйган. Бу хакта журналистларга ТР Дәүләт Советы рәисе Фәрид Мөхәммәтшин йомгаклау матбугат конференциясендә хәбәр итте.

Татарстан Рәисе Рөстәм Миңнеханов Яңа ел алдыннан республиканың фәнни-мәгариф комплексы оешмалары җитәкчеләре белән традицион очрашу уздырды. Очрашу ТР Хөкүмәте йортында узды. Бу хакта ТР Рәисе матбугат хезмәте хәбәр итә.

Казан рапирачысы һәм олимпия чемпионы Марта Мартьянова фехтование буенча Россия Кубогында шәхси беренчелектә өченче тапкыр җиңү яулады. Ярышлар Смоленскта узган. Бу хакта Казан мэриясе матбугат хезмәте хәбәр итә.

18 гыйнварда Казанның «Ак Барс» Көрәш сараенда чираттагы «Манзара» спорт-музыкаль премиясе узачак. Тантана кысаларында тамашачыларны мавыктыргыч көрәш бәйгесе һәм зур шоу-программа көтә. Ярышлар «стенка на стенку» форматында һәм шәхси зачетта узачак. «Стенка на стенку» форматында ике команда – Казанның «Зилант» командасы һәм Чаллы шәһәре җыелма командасы көч сынашачак.

Россиядә 1 гыйнвардан дәүләтнең милли сәясәте буенча яңа Стратегия гамәлгә керәчәк. 2012 елдан 2025 елга кадәр гамәлдә булган стратегиянең Татарстан Республикасында үтәлеше нәтиҗәләре турында «Татар-информ»дагы матбугат конференциясендә РФ Дәүләт Думасы депутаты Илдар Гыйльметдинов сөйләде.

Кичә «Ялта-Зәй» спорт әзерлеге үзәгендә Татарстан Республикасы чаңгы ярышлары чемпионатының ачылыш турының беренче ярыш көне тәмамланды.

Соңгы сигез елда Татарстанда табигатьне саклау проектларына 106 млрд сум инвестиция кертелгән. Бу хакта бүген журналистларга ТР Экология һәм табигый ресурслар министры Александр Шадриков хәбәр итте.

Патриотик юнәлештәге беренче ачык «Геройлар янәшәдә» әдәби конкурсының «Повесть» номинациясендә татар телендә I урынны яулаган язучы, «Мәгариф» журналының баш мөхәррире Гөлүсә Закирова әсәренең язылу тарихы һәм бәйгенең әһәмиятлелеге турында сөйләде. Бу хакта ул «Татар-информ»да «Геройлар янәшәдә» әдәби конкурсының икенче тапкыр үткәрелүенә багышланган матбугат очрашуында әйтте.

Үзәк банк матбугат конференциясендә 1000 сум номиналлы яңа банкнотны тәкъдим итте. Аны регулятор рәисе урынбасары Сергей Белов күрсәтте.

Гриппның авыр симптомнары барлыкка килгән очракта ашыгыч медицина ярдәме бригадасын чакырырга кирәк. Бу хакта «Татар-информ»да узган матбугат конференциясендә ТР Сәламәтлек саклау министрлыгының штаттан тыш баш эпидемиологы Дмитрий Лопушов хәбәр итте.

Узып баручы елны милли хәрәкәт активистлары да, шагыйрь, язучылар, җырчылар да вафат булды. Бүген татар-башкорт дөньясында йолдыз булып балкып, татар һәм башкорт дип йөрәкләре типкән, әмма бакыйлыкка күчкән шәхесләрне искә алабыз.

2026 елда Татарстанда техник карау бәясе артачак. Моңа кагылышлы карар ТР хокукый актлар сайтында басылып чыкты.

Бүгенге көнгә Татарстанда грипп һәм ОРВИ таралу сәбәпле 99 сыйныф ябылган. Бу хакта «Татар-информ» агентлыгында узган матбугат конференциясендә Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина хәбәр итте.

Тәтештә балыкчылар Идел елгасында балык тоту кирәк-яракларын күргәннәр. Бу урында көчле агым булганга, шаһитлар якынрак килә алмаган.

Татарстанда Түбән Кама һәм Яр Чаллы шәһәрләрен әйләнеп узу юлы «Автодор» дәүләт компаниясе идарәсенә тапшырылган. Хәзер бу юлдан йөрү түләүле булачак. Түләүне 30 декабрьдән 31 декабрьгә төн уртасында кертәчәкләр, дип хәбәр итә дәүләт компаниясенең матбугат хезмәте.

Татарстанда ОРВИ һәм грипп белән авыручылар саны арта. Шуңа бәйле рәвештә Татарстанның барлык медицина учреждениеләрендә чикләүләр кертелде. Бу хакта «Татар-информ»да узган матбугат конференциясендә ТР Сәламәтлек саклау министрлыгының штаттан тыш баш эпидемиологы Дмитрий Лопушов хәбәр итте.

Кышкы каникул чорында Татарстан мәчетләрендә мәктәп укучылары өчен рухи-сәламәтләндерү чаралары узачак. Малайлар һәм кызлар өчен ислам фәннәре нигезләрен, әхлакый тәрбия һәм сәламәтлекне ныгытуга юнәлдерелгән дәресләрне үз эченә алган белем бирү һәм ял итү программасы әзерләнгән. Бу хакта ТР мөселманнары Диния нәзарәтенең фән һәм мәгариф бүлеге хәбәр итә.

Казанда Зур Урамда янгын чыккан. Янгын мәйданы сигез квадрат метр тәшкил иткән.

Саба районы Миңгәр авылында танылган эшмәкәр һәм җәмәгать эшлеклесе Ирек Миңнәхмәтовның 45 еллыгына багышланган кичә узды. Чараны Миннәхмәтовлар гаиләсе оештырды, анда күпсанлы кунаклар: Миңнәхмәтовның хезмәттәшләре, медиа тармагы вәкилләре, эшмәкәрләр, спортчылар һәм аны якыннан белгән башка бик күпләр чакырылды.

Яңа ел алды көннәрендә Татарстан Лисичанск һәм Рубежное шәһәрләрендә «Теләкләр чыршысы» утлары кабынды. Бөтенроссия хәйрия акциясе кысаларында биредә концертлар узды, анда һәр бала үзенең кадерле бүләген алды. Күркәм традиция буенча Татарстан Республикасы балалар өчен чын бәйрәм оештырды, аларның яңа ел теләкләрен чынга ашырды.

Россия Фәннәр академиясе академигы һәм Россия мәгариф академиясе президенты урынбасары Геннадий Онищенко илнең алты көнлек эш атнасына күчүе өчен чыгыш ясады. Аның фикеренчә, бу икътисад үсеше өчен кирәк, ә гражданнарның кәефендә мондый график чагылыш тапмаячак. Аның сүзләрен «РИА Новости» китерә.

Татарстан Үзәк сайлау комиссиясенең Яңа ел алды утырышында 2025 елга йомгак ясалды. Бу хакта республика Үзәк сайлау комиссиясе матбугат хезмәте хәбәр итә.