Новости за 27.01.2026

Казанда Кремль дамбасы тирәсендә Казансуда ике кеше утырган кар машинасы боз астына төшеп киткән. Кешеләрнең икесен дә коткарганнар. Бу хакта «Татар-информ»га Россия Гадәттән тыш хәлләр министрлыгының ТР буенча баш идарәсендә сөйләделәр.

Быел Татарстан башкаласында РФ Дәүләт Советының энергетика буенча комиссиясенең күчмә утырышы узачак. Бу хакта комиссия утырышыннан соң аның рәисе – Якутия башлыгы Айсен Николаев сөйләде, дип хәбәр итә ТАСС.

Махсус хәрби операция ветераны һәм «Батырлар. Татарстан геройлары» программасы катнашучысы Әнвәр Мөхәммәтҗанов ТР Спорт министрлыгы йомгаклау коллегиясендә республикада Адаптив спорт төрләре үзәген булдыру инициативасын тәкъдим итте. Бу «Россия спорты» дәүләт программасын гамәлгә ашыруда ярдәм итәчәк.

Татарстанда 28 гыйнвардан 2 февральгә кадәр 30-60 миллиметр һәм аннан да күбрәк кар яварга мөмкин. Бу айлык нормадан күбрәк, дип хәбәр итә ТР Гидрометеорология үзәге.

Казанда элеккеге пристав-башкаручы ришвәт турындагы эш буенча суд каршында җавап тотачак. Ул башкарма җитештерү эшләрен законсыз рәвештә гамәлдән чыгарган өчен акча алуда гаепләнә. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Бүген, Ленинградны фашистлар блокадасыннан азат итүгә 82 ел тулган көндә, Казанның Дәрвишләр бистәсендә блокадачылар һәйкәленә чәчәкләр салу тантанасы булды.

Бүген Казанда ТР Спорт министрлыгы коллегиясе утырышы узды. Хисап доклады белән Татарстан Республикасының спорт министры Владимир Леонов чыгыш ясады. Ул 2025 елга йомгак ясады, төбәкнең алга китешен бәяләде һәм берничә тәкъдиме турында сөйләде.

Hangzhou Nabel Holding Group Co. Ltd. Кытай компаниясе вәкилләре Татарстан Инвестицион үсеш агентлыгында республика территориясендә югары сыйфатлы керамика җитештерү заводы төзелеше проектын тәкъдим итте. Бу хакта «РОСТКИ: Россия-Кытай» халыкара форумы матбугат хезмәте хәбәр итә.

2025 елда Татарстандагы мәдәният учрежденияләрендә эшләүче 618 хезмәткәр 11 федераль югары уку йортында өзлексез белем бирү үзәкләрендә квалификация күтәрү һәм мәдәният өлкәсендә иҗади һәм идарәче кадрларның квалификациясен күтәрү курсларын узган. Бу хакта ТР Мәдәният министрлыгы матбугат хезмәте хәбәр итә.

Мөбарәк Рамазан ае алдыннан, 25 гыйнварда, Казанның «Әбугалисина» мәчетендә 14 яшькә кадәрле ир балалар һәм кыз балалар арасында Коръән укучылар бәйгесе узды. Бәйгедә 40 бала катнашты, дип хәбәр итә ТР Диния нәзарәте матбугат хезмәте.

Болгар ислам академиясенең казанышларына һәм перспективаларына багышланган матбугат конференциясендә мөгаллим, дини-гуманитар дисциплиналар кафедрасы доценты Әхмәд Шәех Мостафа чыгыш ясады.

1 марттан Россиядә газ җиһазларын карап тотуга карата таләпләрне кырысландыруны күздә тоткан үзгәрешләр үз көченә керә. Татарстан Дәүләт торак инспекциясе башлыгы – баш дәүләт торак инспекторы Александр Тыгин шулай дип белдергән.

Чувашиянең Яңа Чабаксар шәһәрендә татар җәмәгатьчелеге белән берлектә «Туган тел» халык традицияләре клубы активистлары Россия халыклары бердәмлеге елына багышланган мәгълүмати программа үткәрде. Чара кунаклары арасында Идел буе халыкларының милли костюмнарында «Непоседы», «Родники» хатын-кызлар клублары вәкилләре дә бар иде, дип хәбәр итә Бөтендөнья татар конгрессы матбугат хезмәте.

Габдулла Тукай исемендәге Татар дәүләт филармониясе сәхнәсендә «Китап» радиосының 5 еллык юбилей концерты узды. Чара татар эстрадасының танылган җырчыларын һәм әдәбият сөючеләрне берләштерде. Радионы туган көне белән танылган татар артистлары котлады. Сәхнәдә – Асаф Вәлиев, Сәгыйть Гыйбашев, Рөстәм Закиров, Зөһрә Шәрифуллина, Зәйнәп Фәрхетдинова, Айдар Фәйзрахманов, Вадим Захаров, Гөлүсә һәм Закир Шаһбаннар, Филүс Каһиров, Зәринә Хәсәншина һәм башка җырчылар балкыды.

Бүген Бөтендөнья татар конгрессы бинасында «Илһам чишмәсе» исемендәге VI төбәкара җыр бәйгесенең I этабы уза. Анда мәртәбәле жюри әгъзалары җыелып, конкурска килгән язмаларны тыңлый, бәяли, дип хәбәр итә Бөтендөнья конгрессы матбугат хезмәте.

<p>В этом году масштабный творческий проект, ставший визитной карточкой культурной жизни Татарстана, проходит уже в девятый раз.</p> <p>Центром притяжения для активных и творческих нурлатцев &laquo;серебряного&raquo; возраста стал культурно-досуговый центр &laquo;Грани&raquo;.</p> <p>Мероприятие открылось на торжественной и в то же время трогательной ноте &ndash; Всероссийской акцией памяти &laquo;Блокадный хлеб&raquo;, посвященной Дню полного... Читать дальше...

Шиһабетдин Мәрҗани турында Россия белән Үзбәкстан бергәләп төшерүче «Укытучы» фильмының премьерасы «Алтын мөнбәр» кинофестивале кысаларында булыр дип көтелә. Моннан тыш Мәскәүдә һәм Үзбәкстанда да премьералар көтелә. Фильмның продюсеры Миләүшә Айтуганова аны бөтен мөселман илләре өчен кызыклы фильм булыр дип ышана.

«Болгар ислам академиясенең фәнни-мәгариф һәм халыкара эшчәнлеге: казанышлар һәм перспективалар» дип аталган матбугат конференциясендә әлеге уку йорты җитәкчелеге катнашты. Академиянең мәгариф эшчәнлеге буенча проректоры Рөстәм Гыйльметдинов уку йортының уңышлары һәм яңалыклары белән таныштырып үтте.

26 гыйнварда Мамадыш районы Грахань авылы янындагы кырда монтаж эшләре вакытында төзелеш оешмасында эшләүче 34 яшьлек ир-ат өстенә экскаватор чүмече төшкән. Эшче хастаханәгә бару юлында үлгән.

Олимпия чемпионы Алинә Заһитованың фигуралы шуу мәктәбе Казанда быел 1 сентябрьдә ачылачак. Бу хакта ТР спорт министры Владимир Леонов үзе җитәкләгән ведомство коллегиясенең йомгаклау утырышында хәбәр итте.

Бүген «Татар-информ» мәгълүмат агентлыгында «Болгар ислам академиясенең фәнни-мәгариф һәм халыкара эшчәнлеге: казанышлар һәм перспективалар» темасына матбугат конференциясе булды. Тулырак бу хактагы сорауларга Болгар ислам академиясе ректоры Фәрхәт Хөснетдинов җавап бирде.

«Мин татарча сөйләшәм» акциясе кысаларында афиша ясау буенча open call игълан ителде, дип яза «TATFORUM» телеграм-каналы.

Россиянең кайбер төбәкләрендә, шул исәптән Идел буе төбәкләре һәм Уралда аномаль салкын һава торышы саклана. Бу хакта РФ Гидрометеоүзәгенең фәнни җитәкчесе Роман Вильфанд сөйләде, дип хәбәр итә ТАСС.

15 февральдә Казанның «Рауза» мәчетендә Коръәнне яттан сөйләү һәм уку бәйгесе була. Бәйгедә Совет районы мәчетләрендә укучы 7-14 яшьлек татар кызлары катнаша ала. Бу турыда «Татар-информ» хәбәрчесенә «Рауза» мәчете имам-хатыйбы Илнур хәзрәт Вафин әйтте.

Пилотсыз системалар гаскәрләрендә хезмәт итү өчен контрактка кул куйган беренче татарстанлылар өчен укулар башланып китте, дип сөйләде «Татар-информ»га контракт буенча хезмәткә сайлап алу пункты офицеры Виктор Никитин.