Новости за 06.02.2026

«Сугышчан роботлар лигасы» ярышларында барлык өч призлы урынны да Татарстан Республикасы командалары яулады. Татарстан Республикасы Дәүләт идарәсен цифрлы нигездә үстерү, мәгълүмати технологияләр һәм элемтә министрлыгында шул хакта хәбәр иттеләр.

Бүген Татарстан Сәламәтлек саклау министрлыгының коллегия утырышында Татарстан Рәисе Рөстәм Миңнеханов табибларны җәлеп итүдә начар эшләүче районнарны атады.

Татарстан - цифрлаштыру, пространство белешмәләре инфраструктурасын үстерү, җир-милек мөнәсәбәтләре өлкәсендә лидер. Дәүләт теркәве, кадастр һәм картография федераль хезмәте җитәкчесе Олег Скуфинский ТР Җир һәм мөлкәт мөнәсәбәтләре министрлыгы коллегиясендәге видеомөрәҗәгатендә шулай дип белдерде.

Татарстан Рәисе Рөстәм Миңнеханов әйтүенчә, сәламәтлек саклау тармагында иң зур проблема матди-техник база түгел, ә кадрларга кытлык. Татарстан Сәламәтлек саклау министрлыгының коллегия утырышында ул шулай дип белдерде.

2025 елда Казанда «Химград» технополисы резидентларының кереме 20 процентка, ягъни 115,7 миллиард сумга кадәр арткан. Технополис генераль директорының беренче урынбасары Алексей Грушин Татарстанда федераль программаларны гамәлгә ашыру мәсьәләләре буенча эшлекле төркем утырышыннан соң «Татар-информ» агентлыгы хәбәрчесенең соравына җавап биреп, шулай дип белдерде.

Татар җәмәгатьчелеге танылган композитор, Татарстанның атказанган сәнгать эшлеклесе Азат Хөсәеновны соңгы юлга озатты.

Файдаланылмый торган күчемсез милек объектларын хуҗалык әйләнешенә кертү проблемасы инде ничә еллар Татарстанда актуальлеген югалтмый. ТР җир һәм милек мөнәсәбәтләре министры Фәнил Әһлиуллин ведомствоның йомгаклау коллегиясендә шулай дип белдерде.

Татарстан Рәисенең «Алдынгылар хәрәкәте» беренчел бүлекләре өчен грантлар конкурсы тәмамланды. Гомуми фонд 30 миллион сум тәшкил итте. ТР лидеры ярдәмчесе, Татарстанда «Алдынгылар хәрәкәте» җитәкчесе Тимур Сөләйманов «Татар-информ» агентлыгында узган матбугат конференциясендә шул хакта хәбәр итте.

Диспансеризация барышында һәр дүртенче очракта колоректаль рак (юан һәм туры эчәк рагы) ачыклана, аның 76 проценттан артыгы – башлангыч стадиядә. Бу хакта Татарстан Сәламәтлек саклау министрлыгының коллегия утырышында билгеле булды.

Татарстан Согуд Гарәбстанында беренче тапкыр узачак «ИННОПРОМ» халыкара сәнәгать күргәзмәсендә коллектив стенд оештыра. Бу хакта ТР Сәнәгать һәм сәүдә министрлыгы матбугат хезмәте хәбәр итә.

Быел Татарстанда йөрәккә аритмологик операцияләрне 13 процентка арттырырга җыеналар. Бу хакта Татарстанның сәламәтлек саклау министры Альмир Абашев бу минутларда йомгаклау коллегиясе утырышында әйтте.

Ульяновск шәһәренең 17 нче милли китапханәсендә Сембер шагыйре, «Өмет» газетасы редакциясенең фронтовик-шагыйрь С.Урайский исемендәге әдәби премиясе лауреаты, дүрт китап авторы Флорис Галимьяновның иҗат кичәсе уза. Әдәби кичә өлкәнең олпат шагыйре Флорис аганың 80 яшьлек юбилеена һәм «Җырларымны сиңа багышладым» исемле яңа китабын укучыларга тәкъдим итүгә багышланган, дип хәбәр итә «Өмет» газетасы телеграм-каналы.

Биектау район үзәк хастаханәсендә махсус хәрби операция ветераннарына чираттагы диспансеризация уздырылган.

Татарстан Диния нәзарәтенең «Хәләл» стандарты буенча комитеты SASO тикшерүен уңышлы үтте. SASO – Согуд Гарәбстаны Корольлегенең стандартлаштыру, метрология һәм сыйфат буенча дәүләт оешмасы, дип хәбәр итә ТР Диния нәзарәте матбугат хезмәте.

Татарстан Рәисе Рөстәм Миңнеханов Беренче каналның генераль директоры Константин Эрнстны юбилее белән котлады. Бу хакта үзенең телеграм-каналында Татарстан лидерының матбугат хезмәте җитәкчесе Лилия Галимова хәбәр итте.

Яңа Кырлай авылында быел көз Габдулла Тукай әсәрләрендәге персонажларга багышланган «Шүрәнбай» косплей фестивале узачак. Бу хакта «Татар-информ»да узган матбугат конференциясендә «Беренчеләр хәрәкәте»нең Арча муниципаль районындагы җирле бүлекчәсе җитәкчесе Лия Ильина хәбәр итте.

Иртәгә, 7 февральдә, Татарстанның кайбер районнарында буран көтелә, күз күреме 1000 метрга кадәр начарланачак, көнбатышта урыны белән көчле кар явачак.

ТР Җир һәм мөлкәт мөнәсәбәтләре министрлыгы дәүләт милке өчен аренда түләве буенча бурычларга аерым игътибар бирергә тиеш. Бүген Татарстан Рәисе Рөстәм Миңнеханов ведомствоның йомгаклау коллегиясендә шундый йөкләмә бирде.

12 февральдә зур сәхнәдә IV «Гәүһәр» балалар фестивале узачак. Бер сәхнәдә 500дән артык бала чыгыш ясаячак. Бу хакта Казан мэриясе матбугат хезмәте хәбәр итә.

Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Бурятия Республикасына эшлекле сәфәре барышында Ерак Көнчыгыш федераль округы татар иҗтимагый оешмалары җитәкчеләре һәм вәкилләре белән очрашу уздырды. Бу хакта Бөтендөнья татар конгрессы матбугат хезмәте хәбәр итә.

Бүген Татарстан Республикасы Җир һәм мөлкәт мөнәсәбәтләре министрлыгының йомгаклау коллегиясендә Татарстан Рәисе Рөстәм Миңнеханов торак рәвешендә дәүләт ярдәме алучы ятимнәр саны артуга бәйле вазгыятьне анализларга кушты.

Кышка әзерләнгән консервларны подвалларда саклаган өчен штраф яный. Бу хакта «Абзац» басмасы хәбәр итә. Азык-төлекне подвалларда саклау антисанитария куркынычы тудыра: кимерүчеләр һәм бөҗәкләр консервациягә зыян китерергә мөмкин, ә температура үзгәрү һәм су басулар продуктларның бозылуын тизләтә.

Санкт-Петербург һәм Ленинград өлкәсе татарларының «Питер.Татар» порталы Муса Җәлилнең 120 еллыгына багышлап бәйге уздыра. Бәйгедә катнашу өчен ясалма фәһем ярдәмендә ролик ясап юлларга кирәк. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллеге хәбәр итә.

Бүген Казанның 7нче шәһәр клиник хастаханәсендә Татарстанның атказанган сәнгать эшлеклесе Азат Хөсәенов белән хушлашу мәрасиме узды.

Татар ашларын бергәләп ясап пешерү һәм аны сатып акча эшләү традиция инде 60 ел дәвам итә. Бу татар оешмасының йортын тәртиптә тоту өчен ярдәм итә.