Новости за 16.02.2026

Февральнең икенче яртысында Татарстанда узачак май чабу бәйрәме буенча юл күрсәткеч булдырылды. ТР Туризм буенча дәүләт комитеты рәисе урынбасары Анастасия Софьина «Татар-информ» агентлыгында узган матбугат конференциясендә шул хакта хәбәр итте.

Казанның Вахитов районы дәүләт гаепләүчесенең Казанда тукталышта 11 кешене бәрдергән машина йөртүче Евгений Крусевны сак астында тоту вакытын озайту турындагы үтенечен канәгатьләндермәде.

Фото: ТР буенча Эчке эшләр министрлыгы

Полиция хезмәткәрләре Казанда һәм Түбән Кама районында рейдлар үткәрде, аның барышында чит ил гражданнарының төп яшәү һәм эшләү урыннарын – хостелларны, тулай торакларны, базарларны, төзелешләрне, сәүдә үзәкләрен һәм кафеларны тикшерделәр. Бу хакта ТР буенча Эчке эшләр министрлыгының матбугат хезмәте хәбәр итә.

Тикшерү барышында, законсыз эшкә урнаштыруны да кертеп, миграция законнарын бозу белән бәйле 50 очрак ачыкланган. Закон бозучыларга 2-5 мең сум күләмендә штраф билгеләнгән. Читать дальше...

Чаллының 400 еллыгына багышланган юбилей чаралары 22 августта узачак. Шәһәр Советының йомгаклау сессиясендә ТР Рәисе Рөстәм Миңнеханов шул хакта хәбәр итте.

Якын көннәрдә Татарстанда кабат буран көтелә, аннары бераз суытачак, ә атна ахырына термометрның терекөмеш баганасы -5 градусны күрсәтәчәк. «Метео» фаразлау үзәге җитәкчесе Александр Шувалов «Татар-информ» агентлыгы белән әңгәмәсендә шундый фаразын тәкъдим итте.

Казан 2025 елның дүртенче кварталы нәтиҗәләре буенча төзелә торган күп фатирлы торак күләме буенча Россиянең иң зур шәһәрләре унлыгына кергән. Бу хакта Россия Риелторлар гильдиясенең аналитик белешмәсендә әйтелә.

Әлмәт районында коткаручылар Яңа Кәшер авылы янындагы кырда югалган 22 яшьлек ир-атны тапкан. Россия Гадәттән тыш хәлләр министрлыгының Татарстан буенча Баш идарәсендә «Татар-информ» агентлыгына хәбәр итүләренчә, ир-ат адашкан һәм кайтыр юлны таба алмаган.

Казан – Аэропорт - Казан маршруты буенча йөрүче шәһәр яны поездларының расписаниесе 20-25 февральдә үзгәрәчәк, дип хәбәр итә «Содружество» компаниясе матбугат хезмәте.

15 февральдә Казанның «Рауза» мәчетендә Коръәнне яттан уку һәм сөйләү бәйгесе узды. Конкурста Казан шәһәре Совет районының 11 мәчетенә йөрүче 42 кыз бала катнашты. Бу турыда «Татар-информ»га «Рауза» мәчете имам-хатыйбы Илнур хәзрәт Вафин сөйләде.

Татарстанның Әгерҗе районы Яморза авылында агач йортта янгын чыккан. Россия Гадәттән тыш хәлләр министрлыгының ТР буенча Баш идарәсе мәгълүматларына караганда, ялкын телләре 36 квадрат метрга якын мәйданны ялмап алган.

Рубежное шәһәрендәге «Возрождение» тернәкләндерү үзәгенә кабат Татарстан волонтерлары килде. Биредә инвалидлык һәм үсештә үзенчәлекләре булган балалар өчен дәресләр уза. Татарстан бу учреждениене шефлыкка алды.

Татарстан яшьләр эшләре министр урынбасары Руслан Семенов «Татарстан – Яңа гасыр» телеканалында «Коррупциясез Татарстан» программасының туры эфирында чыгыш ясаячак. Бу хакта ведомство матбугат хезмәтендә хәбәр иттеләр.

Татарстан Республикасы Рәисе Рөстәм Миңнеханов Чаллыда яшәүче ун кешегә дәүләт бүләкләре тапшырды. Тантана шәһәр советының йомгаклау сессиясендә узды.

15 февральдә Башкортстанның Фёдоровка районы татарлары делегациясе Муса Җәлилнең туган авылы Мостафада (Оренбург өлкәсе, Шарлык районы) шагыйрьнең 120 еллыгына багышланган чараларда катнашып кайткан. Бу хакта Бөтендөнья татар конгрессының Башкортстандагы вәкиллегенең ВКонтактедагы төркеме хәбәр итә.

Татарстан Рәисе Рөстәм Миңнеханов Чаллы шәһәр советының хисап сессиясендә «КАМАЗ» ГАҖ коллективын һәм автошәһәр халкын беренче йөк автомобилен чыгаруга 50 ел тулу белән котлады.

«Россия агрохимия хезмәте»нең («Росагрохимслужба») Татарстан филиалы директоры Әнәс Локманов әйтүенчә, бүген авыл хуҗалыгы өчен билгеләнешле җирләрдә туфракта азот аз күләмдә. Ул бу хакта «Татар-информ» хәбәрчесенә сөйләде. Белгеч бу хакта «Казан Агро 2026» күргәзмәсен карап йөргәндә, Татарстан Рәисе Рөстәм Миңнехановка һәм башка кунакларга да әйтеп узган иде.

2 мартта Н.Җиһанов исемендәге Казан дәүләт консерваториясе Галиәсгар Камал исемендәге Татар дәүләт академия театрының зур сәхнәсендә легендар «Җәлил» операсын тәкъдим итә.

Казанның «Ногай» кунакханәсендә Рафис Корбанның «Соңгы сабантуй» исемле яңа китабы тәкъдим ителде.

Курган өлкәсе татар мәдәнияте үзәге Муса Җәлилнең тууына 120 ел тулу уңаеннан герой-шагыйрьне искә алу кичәсе уздырды. Бу хакта «Урал аръягы татарлары» төбәк иҗтимагый оешмасының ВКонтакте социаль челтәрендәге төркемендә хәбәр ителә.

Чаллы шәһәр советы сессиясендә Татарстан Рәисе Рөстәм Миңнеханов җәмәгать тәртибен һәм иминлекне тәэмин итү мәсьәләләре республика һәм шәһәр өчен өстенлекле мәсьәләләр булып кала, дип белдерде.

Екатеринбург татарлары күренекле татар шагыйре һәм Советлар Союзы Герое Муса Җәлил тууга нәкъ 120 ел тулуны билгеләп үтәргә җыелды. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.

Чаллыда 2025 елның апрелендә «Махсус хәрби операция ветераннары шәһәр советы» ассоциациясе эшли башлады. Сигез ай дәвамында оешма махсус хәрби операция катнашучыларыннан һәм аларның гаиләләреннән 432 мөрәҗәгать кабул иткән. Бу хакта хисап сессиясендә ассоциация рәисе, шәһәр советы депутаты, полковник Шамил Әюпов сөйләде. Утырышта Татарстан Рәисе Рөстәм Миңнеханов катнаша.

Татарстанга якын арада киләчәк көчле буран һәм кар сәбәпле, республикада шторм кисәтүе игълан ителде. Бу хакта ТР Гидрометүзәге кисәтә.

Татарстанда яшәүчеләрне һава торышы начар булганда шәхси автомобильләрдә йөрүдән баш тартырга чакырдылар. Дәүләт автоинспекциясендә шулай ук торак пунктлардан читкә чыкмаска киңәш иттеләр.

Түбән Кама муниципаль районы башкарма комитетының мәгариф идарәсен Рөстәм Хуҗин җитәкләде. Аны «Эшлекле дүшәмбе»дә район башлыгы һәм шәһәр мэры Радмир Беляев тәкъдим итте.