(Казан, 27 гыйнвар, «Татар-информ», Эвелина Киселёва). Татарстанда яшүсмерләргә яңа коронавирус инфекциясенә каршы «Спутник М» вакцинасын кадый башладылар. «Кичәге көнгә 37 балага вакцина ясалды», — диде Татарстан Республикасының сәламәтлек саклау министры урынбасары — Казан сәламәтлек саклау Идарәсе җитәкчесе Владимир Жаворонков. Министр урынбасары тиздән прививка ясатырга теләүчеләр күбрәк буласына өметләнүен әйтте. Әлегә вакытлы матбугат чараларында вакцинацияләү кампаниясенә рәсми старт бирелмәде. Оператив штаб эфиры да әлегә вакцинацияләүгә шикләнеп караучы әти-әниләр һәм балаларның күп сорауларына җавап бирер дип саный Жаворонков.
